Қағаздағы әдемі баяндамалар ауылдағы жағдаймен сәйкес келмейді – Күрішбаев

Ақылбек Күрішбаев ауыл шаруашылығы саласындағы цифрландыру мәселесін сынады

Қағаздағы әдемі баяндамалар ауылдағы жағдаймен сәйкес келмейді – Күрішбаев
Фото: ашық дереккөзден

Сенатор Ақылбек Күрішбаев Премьер-министрдің атына депутаттық сауал жолдады. Депутат егіннен жиналған өнімнің анық көлемін, тұқымның шынайы сапасын, егістік және жинау жұмыстарының дәл мерзімі туралы нақты деректің жоқ екенін алға тартты. Сондай-ақ ол мал шаруашылығында жануарлар туралы мәліметтерді тіркеу жұмыстарының негізгі бөлігі әлі де қағаз нұсқада жиналатынын, соның салдарынан көптеген қателікке жол берілетінін де тілге тиек етті.

Сенатордың айтуынша, жергілікті әкімдердің жұмысын бағалауды статистика деректеріне тәуелді ету - ауылдағы жағдай туралы жалған ақпарат беруге  итермелейді. Сондай-ақ сенатор мал шаруашылығында жануарлар туралы мәліметтерді бұрмалау заңсыз субсидия алуға мүмкіндік туғызатынына назар аударып, осы мәселелерге қатысты бірнеше ұсынысын жеткізді.

«Біріншіден, егін шаруашылығының жай-күйі туралы объективті деректер алу үшін цифрландыру мүмкіндігін барынша пайдалану керек. Менің ойымша, ауыл шаруашылығының цифрландыру мәселесімен Есеп комитеті мұқият айналысуы қажет. Екіншіден, мал шаруашылығында адами фактор ықпалын толықтай жоя отырып, жануарларды есепке алу мен ветеринарлық құжаттаманы жүргізудің бүкіл жүйесін цифрлық форматқа өшіру аса маңызды, – деді Ақылбек Күрішбаев.

Сенатор бұл тұрғыда Ауыл шаруашылығы министрлігі тарапынан әлі күнге дейін ешқандай шаралар қабылданбағанын айтты.

×
Бұл желілік ресурстың ақпараттық өнімдері 18 жастан асқан адамдарға арналған.