Еліміздің оңтүстік өңірлеріне жылу 15 қазаннан бастап беріледі
Солтүстік облыстарда жылыту маусымы бірнеше күн бұрын басталған
ҚР Энергетика министрі Нұрлан Ноғаев биылғы жылы коронавирус инфекциясы жағдайына байланысты жылыту маусымын алдын ала бастау туралы ұсыныс берді, деп хабарлайды Azattyq Rýhy тілшісі.
«Биылғы жылыту маусымы Нұр-Сұлтан қаласында (22 қыркүйектен), Ақмола (21 қыркүйектен), Батыс Қазақстан (21 қыркүйектен), Павлодар (16 қыркүйектен), Солтүстік Қазақстан (18 қыркүйектен), Шығыс Қазақстан (25 қыркүйектен), Қостанай (25 қыркүйектен) және Қарағанды (28 қыркүйектен) облыстарында басталды. Еліміздің оңтүстік өңірлерінде жылыту маусымын 15 қазаннан бастау жоспарлануда», - деді министр бүгін Үкіметтің кеңейтілген отырысында.
Сондай-ақ, 1 қазаннан бастап Ақтөбе және Атырау облыстарында жылыту маусымын бастау жоспарланып отыр.
