28 қыркүйек күнгі ауа райы болжамы
Дүйсенбі күні Қазақстанның басым бөлігінде күн ашық болады
28 қыркүйек күні Қазақстан аумағының басым бөлігінде жауын-шашын жаумайды, күн ашық болады. Тек шығыс және оңтүстік-шығыста жаңбыр жауады. Республика бойынша кей жерлерде тұман түсіп, жел күшейеді, оңтүстікте шаңды дауыл тұрады, деп хабарлайды Azattyq Rýhy тілшісі Қазгидрометке сілтеме жасап.
Түркістан, Қызылорда, Манғыстау облыстарының кей жерлерінде желдің жылдамдығы - 15-25 м/с болып, шаңды дауыл соғады.
Жамбыл облысында кей жерлерде тұман түседі, жел жылдамдығы 15-20 м/с дейін күшейеді.
Қостанай, Ақмола, Солтүстік Қазақстан, Павлодар, Қарағанды, Шығыс Қазақстан облыстарының кей жерлерінде тұман түседі.
Қызылорда,Түркістан, Жамбыл, Алматы, Қостанай, Қарағанды облыстарының кей жерлерінде 1-3 градус үсік жүреді.
Ақтөбе, Жамбыл облыстарының кей жерлерінде төтенше өрт қаупі сақталады.
