Синоптиктер 20 м/сек жылдамдықпен жел соғатынын айтып отыр
Бүгін Қазақстанның бірнеше өңірінде боран соғып, көктайғақ болады, деп хабарлады «Қазгидромет» РМК баспасөз қызметі.
Синоптиктердің мәліметінше, Шығыс Қазақстан, Қарағанды, Павлодар, Ақмола және Қостанай облыстарында боран соғып, желдің жылдамдығы секундына 15-20 метрге дейін жетеді.
Алматы, Ақтөбе және Солтүстік Қазақстан облыстарында тұман түсіп, көктайғақ болуы мүмкін. Батыс Қазақстан, Атырау, Маңғыстау облыстарында да көктайғақ болып, боран соғады.
Сондай-ақ, Қызылорда мен Жамбыл облыстарында жел соғып, тұман түседі.