Семейде 10 пәтерлік үйдің шатырынан өрт шықты
15 адам, оның ішінде 3 бала қауіпсіз жерге көшірілді
Өрт сөндірушілердің тиісті қолданған шараларының арқасында 15 адам, оның ішінде 3 бала қауіпсіз жерге көшірілді, деп хабарлайды Azattyq Rýhy тілшісі.
Семейде түнде он пәтерлік үйдің шатырында болған өрт сөндірілді.
«8 қараша күні сағат 04:37-де Семейдің «101» пультіне Карьерная көшесіндегі бір қабатты он пәтерлік тұрғын үйдің өртке оранып жатқандығы туралы хабар келіп түсті. Жалпы ауданы 330 шаршы метр шатыр жанған», - делінген хабарламада.
Өрт сөндірушілердің тиісті шараларының арқасында 15 адам, оның ішінде 3 бала қауіпсіз жерге көшірілді. Өрт сағат 07:05-те толықтай сөндірілді. Зардап шеккендер жоқ.
Өрттің шығу себептері анықталып жатыр. Өртті сөндіруге ШҚО ТЖД-ның 6 өрт сөрт сөндіру техникасы мен жеке құрамның 24 адамы жұмылдырылды.
