Қазақстанда Мамандандырылған халыққа қызмет көрсету орталықтары уақытша жабылды
«Ұлттық ақпараттық технологиялар» АҚ-ның ақпараттық жүйелерінде ақау болды
Мамандандырылған халыққа қызмет көрсету орталықтары жұмысын уақытша тоқтатты, деп хабарлайды Azattyq Rýhy тілшісі Polisia.kz сайтына сілтеме жасап.
«Бүгін ҚР Ішкі істер министрлігі Әкімшілік полиция комитетінің және ҚР Цифрлық даму, инновациялар және аэроғарыш өнеркәсібі министрлігіне қарасты «Ұлттық ақпараттық технологиялар» АҚ-ның ақпараттық жүйелерінде ақау болды. Салдарынан ел бойынша Мамандандырылған халыққа қызмет көрсету орталықтары тұрғындарға қызмет көрсете алмай, жұмысын уақытша тоқтатты», - делінген ақпаратта.
ІІМ Әкімшілік полиция комитетінің және «Ұлттық ақпараттық технологиялар» АҚ мамандары жүйедегі ақауды жоюды жалғастыруда. Жұмыстар қалпына келтірілгені жөнінде қосымша хабарланады.
