Қазақстанның алты облысында ауа райына байланысты ескерту жарияланды

Қазақстанның алты өңірінде ауа райына байланысты ескерту жарияланды, деп хабарлайды Қазгидромет.

24 тамызда Қарағанды облысының кей жерлерінде найзағай, бұршақ күтіледі. Түнде және таңертең кей жерлерде тұман түседі. Солтүстік-шығыстан, күндіз кей жерлерде 15-20 м/с жел тұрады.

Солтүстік Қазақстан облысының кей жерлерінде найзағай ойнап, тұман түседі. Петропавлда күн күркірейді.

Түркістан облысының кей жерлерінде найзағай күтіледі. Күндіз оңтүстік-батыстан жел соғады, күші 15-20 м/с, шаңды дауыл тұрады. Кей жерлерде төтенше өрт қаупі сақталады. 

Қостанай облысының кей жерлерінде найзағай күтіледі. Кей жерлерде тұман түседі деп болжанады.

Ақмола облысында таңертең және күндіз кей жерлерде найзағай күтіледі. Түнде және таңертең тұман.

Жамбыл облысының кей жерлерінде найзағай, дауыл күтіледі, 24-26 тамызда оңтүстік-батыстан, батыстан 16-21 м/с жылдамдықпен жел соғады.