Алексей Навальныйды Германияға емдеуге әкетеді

Германияның Cinema for Peace ұйымы ресейлік блогер, оппозиция өкілі Алексей Навальныйды емдеуге алып кетуге ұшақ жібереді. Бұл туралы Reuters агенттігі жазды.

«Pussy Riot» қозғалысының мүшесі Петр Верзиловтың өтініші бойынша біз түнде (00:00) медициналық құралдармен, мамандармен бірге Навальныйды Германияға алып кететін ұшақ жібереміз», - делінген хатта.

Сонымен қатар, Берлиндегі Charite ауруханасы оны емдеуге дайын екені айтылған.

Cinema for Peace 2018 жылы «Медуза» интернет-порталының басшысы Петр Берзилов уланып қалған кезде де көмекке келген.

Бұл уақытта  АҚШ президентінің ұлттық қауіпсіздік жөніндегі кеңесшісі Роберт О' Брайен егер Навальныйдың жағдайы күрт нашарласа, оған Ресей билігінің қатысы бар деп топшылауға болатынын мәлімдеп үлгерді. Fox News-қа сұхбатында ол бұл жағдай АҚШ-тың Ресеймен қатынасына әсер ететінін де айтқан.

Еске салсақ, кеше Томск қаласынан Мәскеуге қарай бет алған Алексей Навальныйдың жағдайы күрт нашарлап, ұшақ Омск қаласына қонған. Баспасөз хатшысы оның әуежайда уланғанын жазды.

Абай Сейфулла, Нұр-Сұлтан