Каспий теңізінде 4,1 баллдық жер сілкінісі тіркелді

Каспий теңізінде магнитудасы 4,1 болатын жер сілкінісі болды. Жерасты дүмпулерін Әзербайжан Ұлттық ғылым академиясының жанындағы Республикалық сейсмологиялық қызмет орталығының мамандары тіркеді, деп хабарлайды Azattyq Rýhy.

Жерасты дүмпулері кеше, 21 қыркүйекте жергілікті уақыт бойынша сағат 18:13-те (Астана уақытымен 19:13-те) болған.

Сейсмологтардың мәліметінше, жер сілкінісінің координаттары солтүстік ендіктің 40,56 градусы және шығыс бойлықтың 52,04 градусын құрады.

Жер сілкінісінің ошағы 46 шақырым тереңдікте орналасқан.