Жаңбыр, аптап және тұман: Қазақстанда 25 тамызда дауылды ескерту жарияланды

25 тамызда Қазақстанның 16 облысында дауылды ескерту жарияланды. Елдің солтүстігінде, шығысында және орталығында жаңбыр жауып, найзағай ойнайды, бұршақ түсіп, тұман болады. Кей жерлерде қатты жаңбыр күтіледі. Таулы аудандарда өзендердегі су деңгейі көтеріліп, сел жүруі мүмкін. Оңтүстік пен батыста қатты ыстық сақталады, көптеген өңірде жоғары немесе төтенше өрт қаупі бар, деп хабарлайды Azattyq Rýhy «Қазгидрометке» сілтеме жасап.

Ақмола облысының солтүстігінде, оңтүстігінде және шығысында жаңбыр жауып, найзағай ойнайды. Түнде және таңертең батысында, солтүстігінде және шығысында тұман күтіледі.

Солтүстік Қазақстан облысының шығысында күндіз аздаған жаңбыр жауып, найзағай ойнайды. Түнде және таңертең батысында, солтүстігінде және оңтүстігінде тұман болады. Петропавлда да түнде және таңертең тұман күтіледі.

Қостанай облысының батысы мен солтүстігінде түнде және таңертең тұман күтіледі. Солтүстік-батысы мен шығысында жоғары өрт қаупі, оңтүстігі мен оңтүстік-шығысында төтенше өрт қаупі сақталады. Қостанайда түнде және таңертең тұман болады.

Павлодар облысының солтүстігінде, шығысында және орталығында жаңбыр жауып, найзағай ойнайды, күндіз бұршақ түседі. Түнде және таңертең тұман күтіледі. Шығысында жоғары өрт қаупі сақталады. Павлодарда жаңбыр жауып, найзағай ойнайды, күндіз бұршақ, түнде және таңертең тұман күтіледі.

Қарағанды облысының батысында, солтүстігінде және шығысында жаңбыр жауып, найзағай ойнайды, күндіз бұршақ түседі. Түнде және таңертең тұман болады. Оңтүстігінде төтенше өрт қаупі сақталады. Қарағандыда күндіз кей уақытта жаңбыр жауып, найзағай ойнайды және бұршақ түседі, түнде және таңертең тұман күтіледі.

Ұлытау облысының шығысында түнде және таңертең тұман күтіледі. Төтенше өрт қаупі сақталады. Жезқазғанда да төтенше өрт қаупі сақталады.

Шығыс Қазақстан облысында жаңбыр жауып, найзағай ойнайды. Солтүстігінде, шығысында және таулы аудандарында қатты жаңбыр жауады, күндіз бұршақ түсіп, жел күшейеді. Түнде және таңертең солтүстігінде тұман күтіледі. Таулы және тау бөктеріндегі аудандарда беткейлік ағын қалыптасып, өзендердегі су деңгейі көтеріледі, Қазақстан Алтайының тауларында сел жүруі мүмкін. Солтүстік-батысында жоғары, оңтүстігінде төтенше өрт қаупі сақталады. Өскеменде жаңбыр, кей уақытта қатты жаңбыр жауып, найзағай ойнайды, күндіз бұршақ түседі.

Абай облысында жаңбыр жауып, найзағай ойнайды. Солтүстігінде, оңтүстігінде және орталығында қатты жаңбыр жауады, күндіз бұршақ түсіп, жел күшейеді. Түнде және таңертең солтүстігінде тұман күтіледі. Оңтүстігінде төтенше өрт қаупі сақталады. Семейде жаңбыр жауып, найзағай ойнайды, күндіз бұршақ түседі.

Алматы облысында түнде жаңбыр, таулы және тау бөктеріндегі аудандарда кей уақытта қатты жаңбыр жауады. Күндіз оңтүстігінде аздаған жаңбыр, таулы және тау бөктеріндегі аудандарда жаңбыр, кей уақытта қатты жаңбыр күтіледі. Батысында, оңтүстігінде және таулы аудандарында найзағай ойнап, бұршақ түседі. Орталығында, батысы мен оңтүстігінде төтенше өрт қаупі, шығысында жоғары өрт қаупі сақталады. Алматыда түнде жаңбыр, күндіз аздаған жаңбыр жауып, кей уақытта найзағай ойнайды. Қонаевта түнде жаңбыр жауып, найзағай ойнайды. Іле Алатауы тауларында жаңбыр, кей уақытта қатты жаңбыр жауып, найзағай ойнайды және бұршақ түседі.

Жетісу облысының солтүстігінде, оңтүстігінде, шығысында, орталығында және таулы аудандарында жаңбыр жауып, найзағай ойнайды. Таулы жерлерде қатты жаңбыр, күндіз бұршақ күтіледі. Облыс бойынша төтенше өрт қаупі сақталады. Талдықорғанда түнде жаңбыр жауып, найзағай ойнайды, төтенше өрт қаупі сақталады.

Жамбыл облысының таулы аудандарында жаңбыр жауып, найзағай ойнайды. Төтенше өрт қаупі, ал шығысында жоғары өрт қаупі сақталады. Таразда төтенше өрт қаупі сақталады.

Түркістан облысында төтенше өрт қаупі сақталады. Шымкент пен Түркістанда да төтенше өрт қаупі бар.

Ақтөбе облысында күндіз ауа температурасы +36 градусқа дейін көтеріліп, қатты ыстық болады. Орталығы мен солтүстік-шығысында жоғары өрт қаупі, облыс бойынша төтенше өрт қаупі сақталады. Ақтөбеде төтенше өрт қаупі бар.

Атырау облысының солтүстігі мен шығысында күндіз шаңды дауыл күтіледі. Ауа температурасы +38 градусқа дейін көтеріліп, қатты ыстық болады. Облыс бойынша төтенше өрт қаупі сақталады. Атырауда күндіз +37 градусқа дейін қатты ыстық болып, төтенше өрт қаупі сақталады.

Маңғыстау облысының оңтүстігінде күндіз аздаған жаңбыр жауып, найзағай ойнайды. Ауа температурасы +42 градусқа дейін көтеріліп, қатты ыстық болады. Батысы мен солтүстігінде төтенше өрт қаупі сақталады. Ақтауда да төтенше өрт қаупі бар.

Батыс Қазақстан облысының батысында, солтүстігінде және орталығында күндіз өткінші жаңбыр жауып, найзағай ойнайды, бұршақ түсіп, жел күшейеді. Күндіз ауа температурасы +37 градусқа дейін көтеріліп, қатты ыстық болады. Төтенше өрт қаупі, ал солтүстік-батысында жоғары өрт қаупі сақталады. Оралда күндіз өткінші жаңбыр жауып, найзағай ойнайды, бұршақ түсіп, жел күшейеді.