Алматыда сайлау күні 170 «Инватакси» жолға шықты

Құрылтай депутаттарын сайлау күні Алматыда мүгедектігі бар және қозғалысы шектеулі азаматтардың дауыс беру учаскелеріне жетуіне «Инватакси» қызметі көмектеседі, деп хабарлайды Azattyq Rýhy.

Бұл күні арнайы тасымал үшін 170 «Инватакси» көлігі мен 20 кезекші автокөлік жұмыс істейді. Қызметке алдын ала тапсырыс беру немесе тасымалдау сапасына қатысты мәселелер туындаған жағдайда азаматтар диспетчерлік қызметтерге хабарласа алады.

Ал Астанада сайлау күні тұрғындар үшін қоғамдық көлікте жол жүру тегін ұйымдастырылды.