Шымкентте көпқабатты үйден өрт шығып, 18 адамды эвакуациялады

Шымкент қаласының Тұран ауданында Тәуке хан даңғылында бес қабатты көппәтерлі тұрғын үйден өрт шықты, деп хабарлайды Azattyq Rýhy.

ТЖМ мәліметінше, баспалдақ алаңында электр қалқаншасында сымдардың қысқа тұйықталуы орын алды. Өрт екінші қабатта болған.

«Оқиға орнына ТЖМ бөлімшелері жедел жетті. Тұрғындардың қауіпсіздігін қамтамасыз ету үшін құтқарушылар баспалдақ арқылы эвакуациялау жұмыстарын ұйымдастырды. Үйден 18 адам, оның ішінде үш бала эвакуацияланды», – делінген ҚР ТЖМ хабарламасында.

ТЖМ қызметкерлерінің жедел әрекетінің арқасында тұрғындардың қауіпсіздігі қамтамасыз етіліп, адамдарға төнген қауіптің алдын алынды. Зардап шеккендер жоқ.