«Шәмші Қалдаяқов» медалі мемлекеттік наградалар тізіміне енгізілді

Мәдениет пен өнер – ұлттық бірегейлігіміздің мызғымас тірегі. Осыған байланысты жаңа Ата заңда төл мәдениетімізді жан-жақты қолдау мемлекеттің конституциялық міндеті ретінде арнайы бекітілді, деп хабарлайды Azattyq Rýhy Ақордаға сілтеме жасап.

Осы ретте президент Қасым-Жомарт Тоқаев мемлекеттік наградалар тізіміне «Шәмші Қалдаяқов» медалі мен «Қазақстанның еңбек сіңірген суретшісі» құрметті атағын енгізу туралы шешім қабылдады. 

Бұл мәртебелі марапаттар ұлт мәдениетіне қалтқысыз қызмет етіп, соның ішінде музыка және бейнелеу өнерін дамытуға сүбелі үлес қосқан азаматтарға беріледі.