Мемлекет басшысы Шавкат Рахмоновқа көңіл айтты

Президент белгілі спортшы Шавкат Рахмоновқа көңіл айту жеделхатын жолдады

Фото: Ақорда

Мемлекет басшысы кәсіби спортшы, аралас жекпе-жек шебері Шавкат Рахмоновқа көңіл айту жеделхатын жолдады, деп хабарлайды Azattyq Rýhy.

Бұл туралы Ақорда мәлімдеді.

Президент Қасым-Жомарт Тоқаев танымал спортшы Шавкат Рахмоновтың әкесі Бақтыбай Алпамысовтың дүниеден өтуіне байланысты қайғысына ортақтасып, көңіл айтты.

«Бақтыбай Рахмонұлы мағыналы ғұмыр кешкен қадірлі жан болды. Нағыз отаншыл азамат ретінде ел мерейін үстем еткен, бүкіл қазақ жұртының мақтанышына айналған өзіңіздей жігерлі ұрпақ тәрбиелеп өсірді. Әкеңіздің иманы саламат, жаны жәннатта болсын!» – делінген жеделхатта.

Мақалада

#Қасым-Жомарт Тоқаев #ақорда #көңіл айту #Шавкат Рахмонов

Алдыңғы жаңалық

Абделькадер Хелил: Құрылтай сайлауы парламентаралық диалогтың жаңа мүмкіндіктерін ашады