Бақыт Есімова Президент Әкімшілігінде жаңа қызметке тағайындалды

Президенті Әкімшілігінің Өтініштерді қарауды бақылау бөлімінің жаңа меңгерушісі тағайындалды, деп хабарлайды Azattyq Rýhy.

«Мемлекет басшысының өкімімен Бақыт Амангелдіқызы Есімова Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі лауазымына тағайындалды», – делінген Ақорданың хабарламасында.

Ол Павлодар облысының Баянауыл ауданына қарасты Майқайың ауылында 1984 жылдың 29 қаңтарында туған. Тілдерді меңгеруі: Қазақ, орыс, ағылшын және корей тілдерін меңгерген.

Білімі:

«Болашақ» халықаралық бағдарламасының стипендиаты:

1. Санкт-Петербург мемлекеттік инженерлік-экономикалық университеті (2006) – «Экономист» мамандығы.
2. Ш. Уәлиханов атындағы Көкшетау мемлекеттік университеті – «Құқық магистрі».
3. Калифорния университеті (АҚШ) – «Мемлекеттік саясат магистрі».

Еңбек жолы:

• 2006-2007: «Қазақстан жастарының конгресі» заңды тұлғалар бірлестігінде менеджер, атқарушы директор аппаратының басшысы.
• 2008-2010: ҚР Мемлекеттік қызмет істері агенттігінде стратегиялық жоспарлау және жұртшылықпен байланыс басқармасының бастығы.
• 2011-2013: Ақмола облысының Жұмыспен қамтуды үйлестіру және әлеуметтік бағдарламалар басқармасының басшысы.
• 2013-2015: Ақмола облысы әкімі аппаратының басшысы.
• 2015-2017: Астана қаласы Ішкі саясат басқармасының басшысы.
• 2020-2022: Қостанай облысы әкімінің орынбасары (әлеуметтік сала бойынша).
• 2022 жылдан бастап бүгінге дейін – Президент Әкімшілігінің Өтініштерді қарауды бақылау бөлімі меңгерушісінің орынбасары.