БҚО-да ТЖМ қызметкерлері Жайық өзенінен ер адамды құтқарып қалды

Батыс Қазақстан облысында ТЖМ қызметкерлері Жайық өзеніне батып бара жатқан азаматты аман алып шықты. Оқиға Орал қаласының «Металлист» ауданында болды, дабыл белгісі 112 пультіне келіп түскен, деп хабарлайды Azattyq Rýhy.

Құтқарушылар оқиға орнына жедел жетіп, 1991 жылы туған ер адамды судан алып шықты. Оны жағаға шығарды. Медициналық көмек қажет болған жоқ.

Ер адамның арнайы жабдықталмаған, «Шомылуға тыйым салынған» белгісі орнатылған жерде суға түскені анықталды. Осыған байланысты оған қатысты әкімшілік хаттама толтырылды.