Тамыз айында Қазақстанның қай өңірлерінде құрғақшылық болатыны жарияланды

«Қазгидромет» РМК тамыз айында қай өңірлерде құрғақшылық болуы мүмкін екенін жариялады, деп хабарлайды Azattyq Rýhy.

Синоптиктердің болжамына сүйенсек, 2026 жылдың тамыз айының нақты болжамы бойынша атмосфералық құрғақшылық күтіледі:

• Батыс Қазақстан облысының Бөкей Орда және Жәнібек аудандарында;
• Ақтөбе облысының Шалқар және Ырғыз аудандарында;
• Атырау облысы Құрманғазы ауданында;
• Алматы облысының Балқаш ауданында;
• Жамбыл облысының Мойынқұм, Қордай, Сарысу, Талас және Жамбыл аудандарында;
• Түркістан облысының Арыс, Созақ, Қазығұрт, Ордабасы, Шардара, Жетісай, Бәйдібек және Келес аудандарында;
• Қызылорда облысының Қазалы, Қармақшы, Шиелі аудандарында және Қызылорда қаласында.

Солтүстік Қазақстан облысының Тимирязев ауданында және Қостанай облысының Ұзынкөл ауданында бірқалыпты ылғалды жағдай болжанады.