Солтүстік Кипрде пышақталған бойжеткен Қырғызстан азаматы болып шықты

Кипрдегі оқиғадан зардап шеккен бойжеткен Қазақстан азаматы емес, қырғызстандық болып шықты. Бұл туралы Сыртқы істер министрлігі хабарлады, деп жазады Azattyq Rýhy.

Ведомствоның атап өтуінше, ол – Қазақстанда дүниеге келгенімен, Қырғыз Республикасының азаматы.

«Деректерді нақтылау барысында зардап шеккен азаматшаның Қазақстан тумасы екені, бірақ Қырғыз Республикасының азаматы екені анықталды», – деп хабарлады ҚР СІМ.

Еске салсақ, осыған дейін Жанерке Әбдіразақоваға қастандық жасалғанын хабарладық. Қазіргі таңда ауыр жарақат алған ол аса ауыр жағдайда ауруханада жатыр. Жергілікті полицияның мәліметінше, оқиға 3 тамыз күні сағат 11:45 шамасында болған. Белгісіз ер адам бойжеткенге пышақпен тап беріп, кейін өз-өзіне де жарақат салған. Екеуі де доктор Бурхан Налбантоғлу атындағы мемлекеттік ауруханаға жеткізіліп, дәрігерлердің бақылауына алынды.