«Ауыл» партиясы Қызылордада велошеру ұйымдастырды

«Ауыл» партиясының Қызылорда облыстық өңірлік штабы мен Қызылорда облысының Велосипед спорты федерациясы бірлесіп, Қызылорда қаласы мен Бесарық ауылының аралығында 15 шақырымдық велошеру өткізді. Шараға өңір тұрғындары, жастар және велоспорт әуесқойлары қатысып, спортпен тұрақты айналысу мен белсенді өмір салтын насихаттау мәселесіне назар аударды, деп хабарлайды Azattyq Rýhy.

Велошерудің ашылу рәсімінде өңірлік штаб төрағасы, Құрылтай депутаттығына үміткер Мұстафа Садық қатысушыларға сәттілік тілеп, мұндай бастамалардың бұқаралық спортты дамытуға ықпал ететінін атап өтті.