Жапонияда бір аптада ыстықтан 18 мыңнан астам адам зардап шегіп, 45 адам қайтыс болды

Жапонияда 20-26 шілде аралығында 18,6 мыңға жуық адам күн өту белгілерімен ауруханаларға жеткізіліп, олардың 45-і көз жұмды, деп хабарлайды Azattyq Rýhy.

Зардап шеккендер саны өткен аптадағы көрсеткіштен 7,7 мыңнан астам адамға көп және 2026 жылдағы ең жоғары көрсеткіш болды. Бұл жайлы жедел жәрдем қызметінің жұмысына жетекшілік ететін елдің әкімшілік істер және коммуникациялар министрлігі хабарлаған.

Ауруханаға жеткізілгендердің 710-нан астамы үш аптадан астам мерзімге ауруханаға жатқызылған. Зардап шеккендердің 58%-ға жуығы – 65 жастан асқан адамдар.

Жапонияның кейбір аудандарында 21 шілдеден бастап қатарынан бес күн бойы ауа температурасы Цельсий бойынша 40 градустан жоғары болғаны тіркелді.