Баянауылда шаруалар мыңдаған гектар жерінен айырылып қалды
Мемлекет меншігіне 2 мың гектардан астам ауыл шаруашылығы жері қайтарылды
Павлодар облысының Баянауыл ауданында шаруалар мыңдаған гектар жерінен айырылып қалды, деп хабарлайды Azattyq Rýhy.
Баянауыл ауданының прокуратурасы ауыл шаруашылығы мақсатындағы жерлерді пайдалану барысында жер заңнамасының бұзылғанын анықтады.
«Тексеру барысында бірқатар жер пайдаланушы жалдау мерзімі аяқталғанына қарамастан, жер учаскелерін мемлекет меншігіне қайтармай, пайдалануды жалғастырғаны белгілі болды. Атап айтқанда, «Рымжан» шаруа қожалығы Қызылтау ауылдық округінің аумағында орналасқан көлемі 680,4 гектар жер учаскесін заңсыз пайдаланған», – делінген хабарламада.
Прокурорлық қадағалау актісі бойынша анықталған заң бұзушылықтар жойылды. Қабылданған шаралардың нәтижесінде мемлекет меншігіне кадастрлық құны 16 млн теңгеден асатын 2 мың гектардан астам ауыл шаруашылығы мақсатындағы жер қайтарылды.
Көп оқылған
