Жаркентте Өсек өзенінің деңгейі күрт көтеріліп, екі бала суға ағып кете жаздады (ВИДЕО)

Жетісу облысының Жаркент қаласында қатты жауын-шашыннан кейін Өсек өзеніндегі су деңгейінің күрт көтерілуі салдарынан екі жасөспірім жағаға шыға алмай қалды, деп хабарлайды Azattyq Rýhy.

Оқиға 9 шілде күні болған. Жасөспірімдер көпір астында жүрген кезде өзендегі су деңгейі күрт көтеріліп, өздігінен қауіпсіз жерге шыға алмаған.

Оқиға орнына Төтенше жағдайлар министрлігінің қызметкерлері мен жергілікті тұрғындар жедел жетіп, бірлескен күшпен жасөспірімдерді қауіпсіз жерге эвакуациялады.

Құтқару операциясынан кейін балаларға медициналық көмек қажет болмағандықтан, олар үйлеріне жіберілді.