Ұлттық банк 1 шілдеге арналған доллар бағамын жариялады

Қазақстан қор биржасындағы (KASE) күндізгі сауда-саттық қорытындысы бойынша АҚШ долларының орташа сараланған бағамы 479,26 теңгені құрады. Бұл алдыңғы көрсеткіштен 0,72 теңгеге арзан, деп хабарлайды Azattyq Rýhy.

Қазақстан Ұлттық банкінің 1 шілдеге белгіленген ресми доллар бағамы – 480,72 теңге.

Kurs.kz сайтының мәліметінше, қазіргі уақытта Алматыдағы айырбастау пунктерінде долларды сатып алу бағамы орта есеппен 479,98 теңге, сату бағамы 481,97 теңгені құрайды.

Астанада айырбастау пунктері долларды орта есеппен 476 теңгеден сатып алып, 483 теңгеден сатып жатыр.

Ал Шымкентте долларды сатып алу бағамы орта есеппен 480,02 теңге, сату бағамы 482,02 теңге деңгейінде қалыптасты.