«Алға, Қазақстан!»: Энрике Иглесиас қазақстандықтарға арнайы сәлем жолдады

Әлемдік поп-музыканың жарық жұлдызы Энрике Иглесиас Қазақстандағы көптен күткен концерттері қарсаңында қазақ жанкүйерлерінің жүрегін жылытқан ерекше сәттің кейіпкеріне айналды. Польшадағы гастрольдік сапары кезінде сахна сыртында қазақстандықтар әншіге ұлттық брендке айналған әйгілі шоколадты сыйға тартқан. Тосын сыйға риза болған Энрике Иглесиас қазақ тілінде: «Алға, Қазақстан!» деп жылы лебізін білдіріп, қазақстандық жанкүйерлерге арнайы сәлем жолдады, деп хабарлайды Azattyq Rýhy.

Бұл – көптеген қазақстандықтарға жақсы таныс дәстүр. Шетелге сапарлаған кезде жерлестеріміз өздерімен бірге ұлттық өнімдерді ала барып, жаңа таныстарына тарту етеді. Бұл бір жағынан қазақтың қонақжайлығы мен кеңпейілдігінің белгісі болса, екінші жағынан Қазақстанды әлемге танытудың қарапайым әрі әсерлі жолына айналған.

Оқиға Энрике Иглесиастың Польшадағы Гданьск қаласында өткен концерті кезінде болды. Әлемдік тур аясындағы бұл шоуға шамамен 40 мың көрермен жиналған. Концерт басталар алдында сахна сыртындағы қысқа кездесуде әншінің қазақша айтқан жылы сөзі қазақстандық жанкүйерлер үшін күтпеген әрі әсерлі сәт болды.

Сапар барысында қазақстандық қонақтар жақын арада елімізде өтетін ауқымды концерттік бағдарламаны өз көздерімен тамашалау мүмкіндігіне ие болды. Гданьскідегі концерт толық аншлагпен өтті, ал жанкүйерлер арена маңына шоу басталардан төрт сағат бұрын жинала бастаған. Бұл әлемнің әр түкпірінде Энрике Иглесиастың өнеріне деген қызығушылықтың әлі де жоғары екенін көрсетеді.

Осындай әлемдік деңгейдегі шоу енді Қазақстан көрермендеріне де жол тартпақ.

Энрике Иглесиас 3 қыркүйекте Астанада, ал 5 қыркүйекте Алматыда өнер көрсетеді. Бұл көрермендерді жанды дауыстағы орындауымен, ауқымды сахналық қойылымымен және әлемнің түкпір-түкпірінен жиналатын жанкүйерлерге тән ерекше атмосферасымен баурайтын толыққанды халықаралық шоу болмақ.

Кеш барысында әншінің шығармашылығындағы ең танымал хиттері шырқалады. Олардың қатарында миллиондаған тыңдарманның сүйікті әндеріне айналған Bailando, Hero, Escape, Tonight, Súbeme La Radio және басқа да танымал композициялар бар. Билеттер Freedom SuperApp және Ticketon.kz платформаларында сатылымда.

Энрике Иглесиас концерттерінің басты ерекшелігінің бірі – олардың ешқашан бір-біріне ұқсамайтынында.

Әнші көбіне сахнада отырып-ақ бағдарламаны өзгертіп, көрерменнің көңіл-күйіне қарай шешім қабылдайды. Кейде күтпеген әндерді орындайды, кейде композициялардың орындалу ретін өзгертеді. Сондықтан оның әр концерті өзіндік ерекше атмосферамен және қайталанбас әсермен есте қалады.

Сонымен қатар Энрике Иглесиастың концерттері тек музыкамен ғана емес, көрерменмен орнататын ерекше байланысымен де танымал.

Әнші концерт барысында жанкүйерлермен еркін тілдесіп, гүлдер мен сыйлықтарды қабылдайды, залдағы плакаттарға назар аударады және көрермендерді шоудың бір бөлігіне айналдырады. Осындай шынайы эмоциялар мен тосын сәттердің арқасында оның концерттерінен түсірілген көптеген видеолар әлеуметтік желілерде қызу талқыланып, миллиондаған қаралым жинайды.

Жанкүйерлердің айтуынша, Энрикенің әр концерті алдын ала жазылған қатаң сценарий бойынша емес, сол кештегі көрерменнің энергиясы мен эмоциясына қарай өрбиді. Сондықтан оның әрбір шоуы ерекше әсер қалдырып, әр қалада өзіндік тарихын жазады. Сондықтан Астана мен Алматыдағы концерттер жай ғана музыкалық кеш емес. Бұл – бір буынның жастық шағымен қайта қауышатын сәті әрі әлемдік деңгейдегі шоу мен шынайы эмоция тоғысатын үлкен мәдени оқиға.