Елімізде коронавирусты жұқтыру қарқыны 2,1%-ға дейін төмендеді

Елімізде коронавирус инфекциясының таралу қарқыны бәсеңдей бастады деп хабарлайды ведомствоаралық комиссия. 1-25 шілде аралығындағы жағдай бойынша аурудан жазылып шыққандар көрсеткіші 64 пайызға жуықтаған.

Вирус жұқтырудың тәуліктік өсімі 4-тен 2,1 процентке дейін төмендеді. Жедел жәрдем шақыру 35 процентке дейін азайса, COVID-19 індеті бойынша дәрігер шақыртқандардың қарасы 37 процентке қысқарған. Жансақтау бөлімінің жүктемесі 57 процентке дейін, ал провизорлық және стационарлық төсек-орындарының жүктемесі 54 процентке дейін азайды.

Коронавирус бойынша еліміздегі жалпы ахуал:

• COVID-19 індетінен жазылғандар – 63,8%
• коронавирус жұқтырудың тәуліктік өсімі – 2,1%
• жедел жәрдем шақыру – 35%
• жансақтау бөлімінің жүктемесі – 57%
• провизорлық және стационарлық орындардың жүктемесі – 54%.