Семейде қару асынған мас ер адам экс-әйелінің туыстарына барып, аулада жүрген итін атып өлтірді (ВИДЕО)

Семейде 7 маусымға қараған түні қару асынған мас ер адам бұрынғы туыстарына тиесілі итті атып өлтірген, деп хабарлайды Azattyq Rýhy.

Желідегі мәліметке сүйенсек, оқиға бойынша үй иелері полиция шақырған. Полицияның мәліметінше, оқ атылған тегіс ұңғылы мылтық тәркіленді, ал көлік айып тұрағына қойылған. Аталған факті бойынша қылмыстық іс қозғалды.

Сонымен қатар күдікті көлікті мас күйде жүргізгені, ұсақ бұзақылық жасағаны және қаруды сақтау қағидаларын бұзғаны үшін жауапқа тартылды.

Қаруды иелену рұқсаты алынып, материалдар сотқа жолданды.