Аутизмді емдейтін дәрі-дәрмек бар ма: Денсаулық сақтау министрлігі мәлімдеме жасады

Әлеуметтік желілерде «аутизмді толық емдеу», «жалған аутизм» және басқа да нақты емес теориялар туралы қызу мәлімдемелер көбейіп келеді. Осыған байланысты Денсаулық сақтау министрлігі мәлімдеме жасады, деп хабарлайды Azattyq Rýhy.

Министрлік азаматтарды мұндай ақпаратқа сенбеуге, тек дәлелді медицинаға сенуге шақырады.

Аутизм спектрінің бұзылыстары (AСБ) – бұл халықаралық медициналық қауымдастық растаған нейродамудың ресми танылған ерекшелігі. Аутизм «тәрбиенің дұрыс болмауынан», гаджеттерден немесе вакцинациялаудан туындамайды.

Бүгінгі күні аутизмді «тез және толық емдеуге» қабілетті ғылыми дәлелденген әдіс жоқ. Ғажайып терапиялардың, күмәнді дәрі-дәрмектердің және жалған ғылыми әдістердің уәделері отбасыларды адастырып қана қоймай, кәсіби көмек алу үшін аса қымбат уақытты жоғалтуға әкелуі мүмкін.

«Бала үшін ең маңыздысы – ерте анықтау, уақытылы түзету, мамандардың сүйемелдеуі және отбасының қатысуы. Балалардың денсаулығы хайптың, манипуляцияның және жалған сенсацияның тақырыбы емес», – делінген Денсаулық сақтау министрлігінің хабарламасында.