«Қауіпті»: терек мамығына байланысты қазақстандықтарға ескерту жасалды

Өрт сөндірушілер терек мамығына байланысты қазақстандықтарға ескерту жасады, деп хабарлайды Azattyq Rýhy.

Терек мамығы өте тез тұтанғыш және үлкен аумақтарды қамтып жоғары жылдамдықпен жанады.

Астана қаласы ТЖД мынадай қауіпсіздік шараларын еске салады:

• терек мамығын өзіңіз өртемеңіз және балалардың өртеуіне жол бермеңіз;
• егер көшеде балалықпен терек мамығын өртеп жатқан балаларды көрген болсаңыз бей-жай өтіп кетпеңіз;
• балаларға сіріңке мен оттық бермеңіз;
• аулаларда өрттің алдын алу үшін жиналған терек мамығына су төгіп, оны тұрғын үйлер мен құрылыстардан аулақ алып тастаған жөн.