Алматыда жол жөндеу жұмыстарына байланысты бір көше уақытша жабылады

Алматыда жол жөндеу жұмыстарына байланысты Шемякин көшесінің кезекті бөлігінде қозғалыс уақытша шектеледі, деп хабарлайды Azattyq Rýhy.

Шемякин көшесінде орташа жөндеу жұмыстарының жүргізілуіне байланысты 2 мамыр сағат 22:00-ден 6 мамыр сағат 06:00-ге дейін көлік қозғалысына шектеулер енгізіледі. Жөндеу жұмыстары Кожедуба көшесінен Хмельницкий көшесіне дейінгі аралықта жүргізілуде.

Ол учаскеде арнайы ескерту белгілері мен мердігер ұйым басшысының байланыс нөмірлері көрсетілген ақпараттық стендтер орнатылған.

Айта кетерлігі, Шемякин көшесі осымен бір апта ішінде үшінші рет жабылып отыр. Бұған дейін жол жөндеу жұмыстары кезең-кезеңімен басқа учаскелерде жүргізілген болатын.