Түркістан облысында жиһаз цехы алапат отқа оранды (ВИДЕО)

ТЖМ қызметкерлері жиһаз цехындағы өртті сөндірді

Фотоколлаж: Azattyq Rýhy/Әбілқасым Есентаев

Түркістан облысының Сауран ауданында жиһаз цехы алапат отқа оранды, деп хабарлайды Azattyq Rýhy.

Алғашқы өрт сөндіру бөлімшелері келген кезде шатырдың өртеніп жатқаны байқалды. Өртке жоғарылатылған ранг беріліп, оны сөндіру жұмысы ұйымдастырылды.

Өртті сөндіруге ТЖМ күштері, сондай-ақ жергілікті атқарушы органдар мен Апаттар медицинасы орталығының қызметкерлері жедел түрде жұмылдырылды. Барлығы 110-нан астам жеке құрам және 22 бірлік техника тартылды.

«Қабылданған шаралардың нәтижесінде өрт толықтай сөндірілді. Жану аумағы шамамен 1300 шаршы метрді құрады. Зардап шеккендер жоқ. Өрттің шығу себебі анықталып жатыр», – делінген ҚР ТЖМ хабарламасында.

Мақалада

#Түркістан облысы #өрт #өрт қауіпсіздігі #өрт сөндірушілер

Алдыңғы жаңалық

«TURGYNDAR AMANATY»: Алматыда «AMANAT» партиясының ауқымды жобасы бастау алды