Атырауда көші-қон заңын бұзғандар күштеп шығарылды

15 шетелдікке 5 жылға Қазақстанға кіруге тыйым салынды

Фото: pixabay

Атырау облысында көші-қон заңнамасын бұзған 15 шетелдік ел аумағынан мәжбүрлі түрде шығарылды, деп хабарлайды Azattyq Rýhy.

Полицияның мәліметінше, аталған азаматтар соттың Қазақстан аумағынан шығару туралы шешімін өз еркімен орындамаған. Осыған байланысты құқық қорғау органдары оларды елден күштеп шығару шарасын қолданған.

Шетелдіктер Маңғыстау облысы Бейнеу ауданындағы «Тәжен-авто» бақылау-өткізу бекеті арқылы Қазақстан аумағынан тысқары шығарылған.

Құзырлы органдардың дерегінше, заң бұзған азаматтарға алдағы 5 жыл ішінде Қазақстанға қайта кіруге тыйым салынды.

Мақалада

#Атырау #көші-қон #заңсыздық

Алдыңғы жаңалық

«TURGYNDAR AMANATY»: әрбір тұрғын үйде жайлы өмір сүруге жағдай жасайтын жүйелі шешім