Семейде монша кешенін қызыл жалын шарпыды

Семей қаласында монша кешенінде өрт шықты, деп хабарлайды Azattyq Rýhy.

Алдын ала мәлімет бойынша, тілсіз жау Мичурин көшесі, 177 мекен жайында орналасқан «Банный дом» кешенінде тұтанған. Оқиға орнына төтенше жағдайлар қызметі жедел жетіп, өртті сөндіру жұмыстарын жүргізіп жатыр.

iKomek Semey қызметінің мәліметінше, қазіргі уақытта қызыл жалынды толық ауыздықтау бағытында тиісті шаралар қолға алынған.

Өрттің шығу себептері мен мән-жайы анықталуда. Қала тұрғындарына сабыр сақтап, қауіпсіздік талаптарын қатаң ұстану және оқиға орнына жақындамау жөнінде ескерту жасалды.