Екібастұзда 5 млрд теңгенің арнайы техникаларына қатысты дауға нүкте қойылды
Оның бір бөлігі мемлекет меншігіне қайтарылды
Павлодар облысының прокуратурасы мемлекет тарапынан мүлікке құқықтарды сатып алу кезінде заңдылықтың сақталуына талдау жүргізді, деп хабарлайды Azattyq Rýhy.
2024 жылы «Екібастұзтеплоэнерго» ЖШС-ден қалалық әкімдіктің коммуналдық меншігіне жалпы баланстық құны 5,34 млрд теңге болатын мемлекеттік мүлік қабылданған.
Алайда жергілікті атқарушы орган тарапынан 21 автокөлік құралына меншік құқығы тіркелмеген, бұл кейіннен азаматтық-құқықтық қатынастарға байланысты 82 атқарушылық іс жүргізу шеңберінде тыйым салуға негіз болған.
«Қадағалау актісі бойынша әкімдік талап-арыз жұмыстары жүргізіліп, сот шешімімен ауыртпалықтар алынып тасталды, нәтижесінде құны 235 млн теңгеден асатын мүлік мемлекет меншігіне қайтарылды. Аталған арнайы техника қаланың коммуналдық қажеттіліктері үшін пайдаланылатын болады», – делінген прокуратура хабарламасында.
Көп оқылған
