Коронавирус: Ең үлкен өсім – Солтүстік Қазақстан облысында

Денсаулық сақтау министрлігі аймақтар бойынша коронавирус инфекциясының көбею өсімі жоғары аймақтарды атады. Ел бойынша өсім көрсеткеші 3%-дан асқан екі аймақ тіркеліп отыр.

«Ең үлкен өсім – Солтүстік Қазақстан облысында 5,1%-бен байқалды. Шығыс Қазақстан облысында 3,9% көрсетті», - деп хабарлады бүгін ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитетінің төрағасы Тимур Сұлтанғазиев.

Комитет төрағасы ел бойынша дәл қазіргі жағдайға тоқтала отырып, Қазақстанда коронавирус инфекциясын жұқтырған 65 188 науқас бар деп хабарлады.

«Елімізде симптомды 32 248 науқас бар. Оның ішінде, 25 688 науқас емін жалғастыруда. 39 066 науқас сауығып шықты. 6-12 шілде аралағында КВИ жұқтырған 11325 жағдай тіркелді. Өткен аптамен салыстырғанда өсім - 6,7%. Өткен тәулікте 1674 жағдай тіркелді», - деді ол.

Ем алып жатқан 25 688 науқастың (соның ішінде 192 бала) 9 966-сы стационарда, 15 722-сі амбулаториялық ем қабылдауда.

Кенжекей Тоқтамұрат, Нұр-Сұлтан