Ерболат Досаев «Самұрық-Қазына» қорындағы жұмысынан айырылды

Ол қордың директорлар кеңесіне 2025 жылғы 20 желтоқсанда енгізілген

Фото: gov.kz

Ерболат Досаев «Самұрық-Қазына» қоры директорлар кеңесінің құрамынан шығарылды, деп хабарлайды Azattyq Rýhy.

Оны құрамнан шығару туралы шешімді жалғыз акционер 25 наурыз күні қабылдаған. Қордың ресми сайтында Досаев енді басшылық құрамында көрсетілмеген.

Айта кетейік, Қасым-Жомарт Тоқаев Ерболат Досаевты Президент әкімшілігі басшысының орынбасары қызметінен де босатқан болатын.

Еске салсақ, Досаев қордың директорлар кеңесіне 2025 жылғы 20 желтоқсанда енгізілген еді.

Ерболат Асқарбекұлы 1970 жылғы 21 мамырда Алматы қаласында дүниеге келген.

Ол 1993 жылы Алматы энергетикалық институтын, сондай-ақ Мәскеудің Бауман атындағы мемлекеттік техникалық университетін бітірген. Мамандығы – электрондық техника инженері.
1993-1994 жж. – менеджер, «Іскер» халықаралық ғылыми-өндірістік кәсіпорны;
1994 ж. – директордың орынбасары, «Вега» шағын кәсіпорны;
1994-1996 жж. – директордың орынбасары, директор, «Фирма «Акцепт» ЖШС;
1996-1997 жж. – директор, бірінші вице-президент, бас директор, «Корпорация «Акцепт» ЖТАҚ;
1997 ж. ақпан – тамыз – басқарма төрағасының орынбасары, «Банк Тұран-Алем»;
1997 ж. тамыз – 1998 ж. наурыз – басқарма төрағасы, «Алматинский торгово-финансовый банк» ЖАҚ;
1998 ж. наурыз – шілде – ҚР премьер-министрінің кеңесшісі;
1998 ж. шілде – 2000 ж. ақпан – ҚР энергетика, индустрия және сауда вице-министрі;
1999 ж. желтоқсан – 2001 ж. шілде – ҚР бағалы қағаздар жөніндегі ұлттық комиссиясының мүшесі;
2000 ж. ақпан – 2001 ж. қараша – ҚР қаржы вице-министрі;
2001 ж. қараша – 2002 ж. тамыз – ҚР табиғи монополияларды реттеу, бәсекені қорғау және шағын бизнесті қолдау агенттігінің төрағасы;
2002 ж. қыркүйек – 2003 ж. маусым – ҚР табиғи монополияларды реттеу және бәсекені қорғау агенттігінің төрағасы;
2003 ж. маусым – 2004 ж. сәуір – ҚР қаржы министрі, ЕБРР-дегі Қазақстанның басқарушысы;
2004 ж. сәуір – 2006 ж. қыркүйек – ҚР денсаулық сақтау министрі;
2012 ж. қыркүйек – 2013 ж. қаңтар – ҚР экономикалық даму және сауда министрі;
2013 ж. қаңтар – 2014 ж. тамыз – ҚР экономика және бюджеттік жоспарлау министрі;
2014 ж. тамыз – 2016 ж. мамыр – ҚР ұлттық экономика министрі;
2016 ж. мамыр – 2017 ж. тамыз – «Бәйтерек» ұлттық басқарушы холдингі» АҚ басқарма төрағасы;
2017 ж. тамыз – 2019 ж. ақпан – ҚР премьер-министрінің орынбасары;
2019 ж. ақпан – 2022 ж. қаңтар – ҚР Ұлттық банк төрағасы;
2022 жылғы 31 қаңтардан бері – Алматы қаласының әкімі (2022 жылғы 2 желтоқсанда қайта тағайындалды).