Иран Ормуз бұғазында бақылауды күшейтті

Ормуз бұғазындағы жағдай ушығып тұр. Ислам революциясы сақшылар корпусы (КСИР) бұғаз толық бақылауда екенін мәлімдеп, оны «ұлт жаулары үшін ашпайтынын» ашық айтты, деп хабарлайды Azattyq Ruhy.

Al Jazeera хабарлағандай, КСИР-дің мәлімдеуінше, стратегиялық маңызы зор теңіз жолы Иранның қатаң бақылауында қала береді және сыртқы қысымға қарамастан, қауіпсіздік шаралары күшейтілген.

Осыған дейін Дональд Трамп Иран президенті атысты тоқтату туралы өтініш білдіргенін айтып, бұл мәселені Ормуз бұғазы «ашылып, еркін әрі қауіпсіз болғаннан кейін ғана» қарастыратынын жеткізген.

Сарапшылардың пікірінше, Ормуз бұғазы төңірегіндегі шиеленіс әлемдік мұнай нарығына әсер етуі мүмкін.