Көп мөлшерде дәрі ішкен: Екібастұзда полиция өміріне қол жұмсамақ болған ер адамды құтқарды
Ер адам бірнеше күн бұрын жоғалып кеткен
Екібастұз қаласында полиция қызметкерлері көп мөлшерде дәрі ішіп, өміріне қол жұмсамақ болған ер адамды құтқарып қалды, деп хабарлайды Azattyq Rýhy.
«30 наурызда Екібастұз полициясына әйел хабарласып, ұлын іздеуге көмектесуін сұрады. Оның айтуынша, екі күн бұрын ұлы Chery Tiggo 4 маркалы автокөлігін мініп белгісіз бағытқа кеткен және байланысқа шықпай қалған. Дереу іздеу басталып, оған барлық полиция гарнизоны жұмылдырылды, жедел-іздестіру шаралары жүргізілді. Іздеуге еріктілер, жоғалған адамның туыстары және қаланың азаматтары қосылды», – деп хабарлады Павлодар облысы Екібастұз қаласы полиция басқармасының бастығы Төлеген Құдайбергенов.
Іздеу барысында полицейлер қаланы тексеріп, бір аулада оның автокөлігін тапты, кейін жалға алынған пәтерден өзі де табылды.
«Полиция қызметкерлері оның көп мөлшерде дәрі-дәрмек қолдана отырып, өміріне қол жұмсамақ болғанын анықтады. Тәртіп сақшылары уақыт жоғалтпай, жедел жәрдем шақырып, ер адамды дәрігерлерге тапсырды. Біз еріктілерге және ер адамды табуға көмектескен барлық қамқор азаматтарға алғыс айтамыз», – деп хабарлады Павлодар облысының полиция департаменті.
Ведомствода атап өткеніндей, адам жоғалған жағдайда іздеуге барынша көп қызметкер, қосымша күштер және қоғам қатысады. Іздеудің сәтті болуына негізгі фактор – уақытылы полицияға хабарлау. Кез келген ақпарат маңызды: уақыт, орын және жоғалуға дейінгі жағдайлар, өйткені мұндай істерде әр деталь есепке алынады.
Көп оқылған
