Ұлытау облысында ондаған шенеуніктің құмар ойын ойнайтыны анықталды
Олар заңсыз әрекеті үшін қызметінен босатылды
Ұлытау облысының прокуратурасы мемлекеттік қызметшілердің құмар ойындар ойнайтынын анықтады, деп хабарлайды Azattyq Rýhy.
Ұлытау облысының прокуратурасы мемлекеттік қызметшілер арасында сыбайлас жемқорлыққа қарсы заңнаманың бұзылғанын анықтады.
«Сыбайлас жемқорлыққа қарсы іс-қимыл туралы» Заң (12-б. 1-т. 6) тт.) сыбайлас жемқорлық тәуекелдерін тудырады және қоғамның мемлекеттік қызметке деген сеніміне нұқсан келтіретіндіктен мемлекеттік қызметшілерге құмар ойындарға қатысуға тыйым салады.
Талдау барысында 36 мемлекеттік қызметші, оның ішінде 10 басшы, «Olimpbet» және «1XBET» букмекерлік компанияларында бәс тіккені белгілі болды», – делінген прокуратура хабарламасында.
Прокурорлық қадағалау актісін қарау нәтижесімен мемлекеттік қызметшілер қызметінен босатылды.
Сыбайлас жемқорлыққа қарсы заңнаманың сақталуы прокуратура органдарының тұрақты бақылауында тұрады.
Көп оқылған
