Наурыз айының соңғы күндері Қазақстанда 32 градус ыстық болады

«Қазгидромет» наурыз айының соңғы күндеріне арналған ауа райы болжамын жариялады, деп хабарлайды Azattyq Rýhy.

Синоптиктердің мәліметінше, республиканың басым бөлігінде жауын-шашынсыз, жылы көктемгі ауа райы сақталады. Тек батыс өңірлерде және оңтүстік облыстардың таулы аймақтарында атмосфералық фронттардың өтуіне байланысты найзағайлы жаңбыр жауады, батыста кей уақыттарда нөсер жаңбыр күтіледі. Сондай-ақ желдің жылдамдығы 15-20 м/с дейін күшейеді. Түнгі және таңғы сағаттарда республика бойынша тұман түсуі мүмкін.

Күндіз ауа температурасы:

• солтүстік-батыста +17…+26°С,
• солтүстікте +13…+20°С,
• орталықта +12…+23°С,
• шығыста +5…+22°С,
• оңтүстік және оңтүстік-шығыста +23…+32°С,
• батыста +20…+25°С-тан +13…+20°С-қа дейін төмендейді.