Елорданың бас дәрігері қызметінен босатылды

Нұр-Сұлтан қаласы Қоғамдық денсаулық сақтау басқармасының басшысы Сәуле Қисықова қызметінен босатылды.

«Сәуле Қисықова басқа жұмыс орнына ауысуына байланысты қызметінен кетті», - деп хабарлады басқарманың баспасөз қызметі.

Сәуле Қисықова ҚР Президенті Іс басқармасы Медициналық орталығының басшысы болып тағайындалды. Ал, басқарма басшысының уақытша міндетін атқарушы – Әлия Рүстемова.

Сәуле Қисықова 1963 жылы дүниеге келген. Алматы мемлекеттік медицина унивеситетін тәмамдаған, медицина ғылымдарының докторы.

2017 жылдың шілдесінен бастап қалалық Қоғамдық денсаулық сақтау басқармасының басшысы болды.