Робототехникадан әлем чемпионатында жүлделі орын алған қазақстандық Stanford-тың грантына ие болды

Қазақстандық оқушы робототехникадан әлем чемпионатында жүлделі орын алғаннан кейін Stanford-тың толық грантына ие болды, деп хабарлайды Azattyq Rýhy.

«Қазақстандық оқушы Әлихан Серіков Stanford University университетіне Restrictive Early Action ерте іріктеу бағдарламасы бойынша толық қаржылық грантпен оқуға қабылданды», – делінген Оқу-ағарту министрлігінің хабарламасында.

Stanford әлемдегі ең таңдаулы жоғары оқу орындарының қатарына кіреді. Университетке қабылдау деңгейі шамамен 3,6% құрайды, ал шетелдік талапкерлер үшін бұл көрсеткіш одан да төмен.