Ақтөбеде жүкті әйел мінген жедел жәрдем көлігі апатқа ұшырап, аударылып қалды

Ақтөбеде жедел жәрдем көлігі мен Toyota автокөлігі соқтығысып қалды, деп хабарлайды Azattyq Rýhy.

Облыстық полиция департаментінің мәліметінше, апат Сеңкібай батыр даңғылында болған.

Көліктің ішінде жүкті әйел болған. Апат салдарынан жедел жәрдем көлігі бір бүйіріне аударылып қалған.

«Жедел жәрдем көлігінде болған науқас медициналық мекемеге жеткізілді», — деп хабарлады полиция.