Еліміздің бірқатар өңірінде ауа райына байланысты жолдар жабылды
Бұл жерлерде көлік қозғалысына шектеу қойылды
«ҚазАвтоЖол» ұлттық компаниясы 2026 жылғы 22 наурыздағы еліміздің тас жолдарындағы жағдай туралы жедел ақпаратты жариялады. Ауа райының қолайсыздығына байланысты сағат 08:30-дағы жағдай бойынша бірнеше өңірде көлік қозғалысына шектеу қойылды, деп хабарлайды Azattyq Rýhy.
Қай өңірлерде жол жабық?
Қазіргі уақытта көліктің барлық түрі үшін қозғалыс тоқтатылған учаскелер:
Ақмола облысы: «Астана – Атбасар – Жақсы – Рузаевка – Сарыкөл – Қостанай – РФ шекарасы» тас жолының 346-407 шақырымы (Жақсы кентінен СҚО шекарасына дейін).
Солтүстік Қазақстан облысы: дәл осы жолдың 407-429 шақырымы (Ақмола облысының шекарасынан Чистополье ауылына дейін), сондай-ақ «Тимирязево – Сарыкөл – Қостанай облысының шекарасы» жолының 0-30 шақырымы.
Павлодар облысы: «Астана – Шідерті – Павлодар – Успенка – РФ шекарасы» жолындағы Қалқаман кентіне кіреберіс пен шыға берістегі жолайрықтар жабық.
Шығыс Қазақстан облысындағы таулы аймақтардағы күрделі жағдайға байланысты Осинов асуында (46-66 шақырым, Солтүстік ауылынан Серебрянск қаласына дейінгі бұрылыс) тіркемесі мен жартылай тіркемесі бар жүк көліктері үшін қозғалыс шектеулі.
Көп оқылған
