Оралда ер адам өзі жұмыс істейтін дүкеннен ақша ұрлаймын деп темір торға қамалды

Орал қаласындағы дүкендердің бірінде кассадан ақша ұрлау қылмысы тіркелді. Ер адам мүмкіндігін пайдаланып, ірі көлемдегі ақшаны ұрлап, оқиға орнынан бой тасалаған, деп хабарлайды Azattyq Rýhy агенттігі Polisia.kz-ке сілтеме жасап.

Ұрлық сәті бейнебақылау камерасына түсіп қалған.

Жедел-іздестіру шаралары барысында полицейлер күдіктінің жеке басын анықтап, оны қолға түсірді. Оның осы сауда орнында тағылымдамадан өтіп жүргені анықталды. Оның әрекеті бейнебақылау камераларына жазылған.

Ұрланған 190 мың теңге тәркіленді.

«Күдікті уақытша ұстау изоляторына қамалды. Ұрлық фактісі бойынша сотқа дейінгі тергеп-тексеру жүргізіліп жатыр», – делінген хабарламада.