Әлемде коронавирус жұқтырғандардың 60 пайызы маусым айында тіркелді – ДДСҰ

Маусымның соңғы аптасында күн сайын 160 мың адамнан COVID-19 анықталған

Фото: ашық дереккөзден

Әлемде СOVID-19 жұқтырғандардың 60 пайызға жуығы маусым айында тіркелді, деп хабарлайды Azattyq Rýhy тілшісі Біріккен Ұлттар Ұйымының ақпараттық ресурсына сілтеме жасап.

«Әлемдегі коронавирус жұқтырғандардың 60 пайызы маусым айында анықталды. Маусым айының соңғы аптасында күн сайын COVID-19 жұқтырған 160 мыңнан астам адам тіркеліп отырды», - деді Дүниежүзілік денсаулық сақтау ұйымының бас директоры Тедрос Гебрейесус.

Ол жағдайды бақылауға алу үшін пандемиямен күресте кешенді шаралар қажет екенін атап өтті. Сонымен қатар ДДСҰ басшысы медқызметкерлерді коронавирус жұқтырғандармен дұрыс жұмыс істеуге және халықты ақпараттандыруға үйрету керек екенін айтты.