Қазақстанда мектеп оқушылары көктемгі каникулда қанша күн демалатыны белгілі болды

Қазақстан мектептерінде оқу жылындағы ең ұзақ үшінші тоқсан аяқталуға жақын, деп хабарлайды Azattyq Rýhy.

Оқу-ағарту министрлігі мәліметінше, 2025-2026 оқу жылына арналып бекітілген оқу және демалыс кестесіне сәйкес, үшінші тоқсан 8 қаңтарда басталып, 10 аптаға созылады.

Көктемгі каникул 19 наурызда басталады. Бұған дейінгі демалыс кезеңдері 7 және 10 күнге созылса, бұл жолы оқушыларға 11 күн демалыс беріледі. Балалар сабаққа 30 наурызда қайта оралады.

Төртінші тоқсан 8 оқу аптасына жалғасып, 25 мамырда аяқталады.