Абай облысында ер адам автобуста боқтаймын деп темір тордан бір-ақ шықты

Полиция автобуста балағат сөз айтып, қоғамдық тәртіпті бұзған құқық бұзушыны анықтады

Фото: Абай облысы ПД/Видеодан скрин

Абай облысында ер адам автобуста бейәдеп сөз айтамын деп сотты болды, деп хабарлайды Azattyq Rýhy.

Әлеуметтік желілерде жарияланған бейнежазба бойынша полиция қызметкерлері жедел тексеру жүргізді. Құқық бұзушының жеке басы анықталды. Ол – Семей қаласының 48 жастағы тұрғыны.

Анықталғандай, ер адам қоғамдық көлік салонында мас күйінде болып, бейәдеп сөздер айтып, қоғамдық тәртіпті бұзған.

«Жасалған құқыққа қайшы әрекеттері үшін оған екі бап бойынша әкімшілік жауапкершілік жүктелді: ұсақ бұзақылық және қоғамдық көлікті пайдалану қағидаларын бұзу. Әкімшілік материал сотқа жолданды», – делінген ПД хабарламасында.

Мақалада

#түрме #қамауға алынды #Абай облысы #қамауда ұстау

Алдыңғы жаңалық

«Он екі жылға сотталуы мүмкін»: Шымкентте есірткі сатып жүрген ер адам ұсталды (ВИДЕО)