Олимпиада-2026: 8 ақпанда ел намысын кімдер қорғайды

Италияда өтіп жатқан XXV қысқы Олимпиада ойындарының екінші жарыс күнінде қазақстандық 7 спортшы сынға түседі. Ұлттық Олимпиада комитеті бүгінгі кестені жариялады, деп хабарлайды Azattyq Rýhy. 

Бүгін, 8 ақпанда, шаңғы жарысынан ерлер арасындағы скиатлон бәсекесі өтеді. Қазақстан уақытымен 17:00-де басталатын додада еліміздің намысын үш спортшы қорғайды:

• Әмірғали Мұратбеков — Абай облысының тумасы, құраманың ең жас мүшесі;
• Виталий Пухкало — тәжірибелі шаңғышы;
• Наиль Башмаков.

Кешкі бағдарламада биатлоннан қызықты бәсеке күтіп тұр. Сағат 20:00-де аралас эстафета басталады. Бұл сында Қазақстан құрамасы сапынан мына спортшылар шығады:

• Владислав Киреев пен Әсет Дүйсенов (ерлер);
• Милана Генева мен Айша Рақышева (әйелдер).

Олимпиаданы қайдан көруге болады?

Отандық жанкүйерлер Италиядағы Олимпиаданы тікелей эфирден төрт бірдей телеарнадан тамашалай алады:

1. Qazaqstan

2. Qazsport

3. Хабар

4. Jibek Joly

Еске сала кетейік, Айта кетейік, бұған дейін 6 ақпанда Қазақстан құрамасы ХХV қысқы Олимпиада ойындарының ашылу салтанатына қатысқан еді. Милан мен Кортина-д’Ампеццода өтіп жатқан 2026 жылғы қысқы Олимпиада ойындарының алғашқы жарыс күнінде, 7 ақпанда, Қазақстан атынан бес спортшы сынға түсті.