Оралда газ тасып бара жатқан жүк көлігінен өрт шықты

Оралда газ тасып бара жатқан жүк көлігінен өрт шыққаны хабарланды, деп жазады Azattyq Rýhy.

ҚР ТЖМ мәліметінше, бүгін 112 пультіне Орал қаласының Конкин көшесіндегі ЖШС аумағында газ тасығыштың дөңгелектерінің жануы туралы хабарлама келіп түсті.

Оқиға орнына ТЖМ күштері мен құралдары жоғары дәрежемен жіберілді. Өрт сөндірушілер 15 текше метр газ тұрған газ цистернасын салқындату бойынша жұмыстар жүргізді.

«Өрт сөндірушілердің жедел және үйлесімді әрекеттерінің арқасында цистернаның жарылысын болдырмау мүмкін болды. Өрт толығымен сөндірілді. Зардап шеккендер жоқ. Өрттің себебі анықталып жатыр», – делінген ҚР ТЖМ хабарламасында.