Нипах вирусының алдын алу: қазақстандық туристерге ескерту жасалды

Денсаулық сақтау министрлігінің Санитариялық-эпидемиологиялық бақылау комитеті елге нипах вирусының енуінің алдын алу мақсатында Оңтүстік-Шығыс Азия елдеріне баратын қазақстандық туристерге арналған ұсынымдарды жариялады, деп хабарлайды Azattyq Rýhy.

Мамандар мынаны ұсынады:

• жарқанаттар, доңыз және басқа да жануарларға жоламау;
• жеке бас гигиенасы талаптарын сақтау, қолды сабынмен жиі жуу немесе антисептик қолдану;
• тек қауіпсіз ауызсуды тұтыну;
• шикі финик шырынын ішпеу және жануарлар ластауы мүмкін өнімдерді тұтынбау;
• жеміс-жидек пен көкөністерді қолданар алдында мұқият жуу және тазалау.

«Дене қызуының көтерілуі, жөтел немесе қатты бас ауруы сияқты белгілер пайда болған жағдайда дереу медициналық көмекке жүгіну қажет», – деп мәлімдеді Санитариялық-эпидемиологиялық бақылау комитетінде.